Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, рэдакцыя часопіса «Роднае слова» і канал «Культура» Беларускага радыё абвяшчаюць конкурс навукова-даследчых работ «Васількоў шапатліваю моваю…». Конкурс прымеркаваны да Міжнароднага дня роднай мовы і скіраваны на захаванне духоўнай спадчыны народа, павышэнне моўнай кампетэнцыі носьбітаў беларускай мовы, грамадзянска-патрыятычнае выхаванне і развіццё навукова-даследчых здольнасцей навучэнцаў і студэнтаў.
Да ўдзелу запрашаюцца:
- Вучні 9–11 класаў
- Навучэнцы каледжаў і тэхнікумаў
- Студэнты 1–2 курсаў ВНУ
Тэрміны:
- Прыём работ – з 1 снежня 2025 па 1 лютага 2026
- Экспертыза і вызначэнне пераможцаў – 2–21 лютага 2026
Тэматыка работ:
- Беларуская мова ў XXI стагоддзі;
- Беларуская мова сярод моў свету / *Роднае слова ў дыялогу моў і культур;
- Мова беларускіх старадрукаў і рукапісаў;
- Сучасныя лексічныя працэсы ў беларускай мове;
- Нацыянальная адметнасць беларускай лексікі;
- Узаемадзеянне моўных сістэм ва ўмовах білінгвізму;
- Уласнае імя ў лінгвакультуралагічным аспекце;
- Дыялектная моўная адзінка і кантэкст.
Навукова-даследчыя работы на конкурс абавязкова дасылаюцца як у папяровым, так і ў электронным выглядзе.
Як даслаць працу?
- Папяровы варыянт:
Адрас: вул. Сурганава, 1, корп. 2, Інстытут мовазнаўства, 220072, Мінск.
Пазнака: «На конкурс». - Электронны варыянт:
Адрас:Адрес электронной почты защищен от спам-ботов. Для просмотра адреса в браузере должен быть включен Javascript. .
Урачыстае ўзнагароджанне адбудзецца падчас тыдня роднай мовы ў Інстытуце мовазнаўства імя Якуба Коласа (16–21 лютага).
Больш падрабязна — у Палажэнні на сайтах:
- Інстытута мовазнаўства імя Якуба Коласа: http://www.iml.belcentre.by/
- часопіса «Роднае слова»
Запрашаем юных знаўцаў роднага слова да ўдзелу!
