Урачыстае мерапрыемства, прысвечанае 30-годдзю з дня выхаду першага нумара часопіса «Беларуская мова і літаратура», адбылося 12 снежня ў выдавецтве «Адукацыя і выхаванне».
З нагоды юбілейнай даты прысутных прывітаў дырэктар выдавецтва В.Я.Навагродскі, які ўручыў узнагароды супрацоўнікам рэдакцыі, членам рэдкалегіі, а таксама найбольш актыўным аўтарам часопіса.
На свяце выступілі
— галоўны рэдактар часопіса, доктар філалагічных навук, прафесар А.І.Бельскі,
— намеснік галоўнага рэдактара, кансультант упраўлення агульнай сярэдняй адукацыі Міністэрства адукацыі Рэспублікі Беларусь І.У.Булаўкіна,
— рэктар Мінскага гарадскога інстытута развіцця адукацыі, кандыдат педагагічных навук Т.І.Мароз,
— дэкан лінгвістычнага факультэта Баранавіцкага дзяржаўнага ўніверсітэта, кандыдат педагагічных навук Т.М.Пучынская,
— намеснік дырэктара па вучэбна-метадычнай рабоце Маларыцкай раённай гімназіі, настаўнік-метадыст, выдатнік адукацыі Рэспублікі Беларусь М.І.Навумчык,
— метадыст вышэйшай катэгорыі ДУ «Дзяржынскі раённы вучэбна-метадычны кабінет» Т.І.Мойса,
— настаўнік-метадыст ДУА «Сярэдняя школа №2 г.Слоніма» І.У.Захарчук,
— настаўніца Скрыбаўскай сярэдняй школы Шчучынскага раёна, член Саюза пісьменнікаў, паэтка Н.Л.Цвірко.
Цёплыя словы на адрас калег прагучалі з вуснаў намесніка дырэктара выдавецтва, галоўнага рэдактара часопіса «Вясёлка» А.В.Радзікевіч, галоўнага рэдактара часопіса «Роднае слова» Н.М.Шапран.
Рэдакцыя «Беларускай мовы і літаратуры» шчыра дзякуе творчаму актыву і падпісчыкам, якія падтрымліваюць сваё прафесійнае выданне. Зычым усім моцнага здароўя, творчых і жыццёвых поспехаў, здзяйснення ўсіх планаў і задум!
