ШТО ЗНОЙДЗЕЦЕ НА СТАРОНКАХ №4?
1 верасня — Дзень ведаў. Чытайце вершы пра школу ад Генадзя Аўласенкі і Лёлі Багдановіч!
Надзея Парчук нагадвае нам у сваім вершы пра Дзень пісьменства ў Беларусі, а Лёля Багдановіч прапануе сябраваць з кнігай, каб бавіць час прыемна і цікава.
У верасні жыхары Мінска святкуюць свята горада, вершы Барыса Макарэвіча — пра сталіцу нашай краіны.
Сустракаем восень “ураджайнымі” вершамі пра садавіну-агародніну ад Змітрака Марозава!
Як Настачка хутка стала дарослай? Вам падкажа апавяданне Іны Фраловай.
Прапанаваная размалёўка пра Мінск дапаможа запомніць выдатныя мясціны сталіцы.
Спадзяёмся, вас зацікавіць тэатралізаваная пастанова “Пра грыбок” Анастасіі Маршалак.
“Дзядулева школа” запрашае ў кузню да дзеда Івана.
У казцы Алены Жалабковіч вы знойдзеце адказ на пытанне “Хто ў гаспадарцы самы важны?”.
Абавязкова прачытайце дзецям і абмяркуйце з імі змест павучальнага апавядання ад Сяргея Чыгрына.
Вучымся маляваць! На гэты раз — коціка.
На апошняй старонцы часопіса — лепшыя малюнкі новых удзельнікаў конкурсу “Вялікай Перамозе — 80!”. Нагадваем, што конкурсныя работы яшчэ паспееце даслаць да 31 жніўня!
