Вялізныя размалёўкі -- цудоўная ідэя для дзіцячай творчасці! Яны будуць спрыяць развіццю творчых здольнасцей, развіваць дробную маторыку, фарміраваць мастацкі густ.

Іх можна раскласці на падлозе або вялікім стале, а можна прымацаваць да сцяны і ператварыць чорна-белы малюнак у яркую карціну.

Кожная з размалёвак мае вялікі пазнавальны і выхаваўчы патэнцыял. Размалёўка “Мая Беларусь” пазнаёміць дзетак са славутымі мясцінамі Беларусі, яе геаграфіяй, прамысловасцю, жывёльным светам, а “Мінск” -- з найбольш цікавымі і знакавымі месцамі нашай сталіцы.

Да таго з такімі размалёўкамі можна прыдумаць шмат конкурсаў і гульняў: на пошук (знайсці персанажа ці будынак), параўнанне прадметаў (па форме, памеры і г. д.), можна складаць цэлыя гісторыі пра персанажаў.

Размалёўкі будуць карыснымі ў групе падоўжанага дня, для арганізацыі заняткаў па краязнаўстве ў дзіцячым садку, а таксама для сямейнага баўлення часу.