Серыя «Бібліятэка часопіса "Вясёлка"»

Серыя кнiг для дзяцей малодшага школьнага ўзросту заснавана у 2013 г.

Заснавальнікі серыі: Уладзімір Ліпскі, Мікалай Супрановіч

У гэтай серыі маленькія чытачы і іх бацькі знойдуць вершы, апавяданні, беларускія народныя і аўтарскія казкі, а таксама казкі народаў свету, нарысы, загадкі, скорагаворкі і шмат іншага.

Аўтары кожнага твора – класікі беларускай дзіцячай літаратуры і таленавітыя сучасныя пісьменнікі. Творы, якія ўключаны ў кнігі серыі, прайшлі сапраўднае выпрабаванне часам: усе яны былі надрукаваны ў часопісе “Вясёлка” ў розныя гады, але сустрэліся толькі на старонках кніг серыі.

Кнігi серыi будуць карысныя выхавальнікам устаноў дашкольнай адукацыі, бабулям і дзядулям, мамам і татам і, вядома, дзецям дашкольнага і малодшага школьнага ўзросту.

У серыi пабачылі свет наступныя выданнi:

У свеце дабрыні: зборнік вершаў / Эдзі Агняцвет

Матылёчкі — матылькі: чытанка-маляванка / Раіса Баравікова

Калі ранец лёгкі...: вершы, апавяданні / укладальнік Т. Іванова

Мудры Шубуршун: аповесць-казка, апавяданні, казкі / Алесь Карлюкевіч

Свята ў хату: народны каляндар часопіса «Вясёлка» / Раіса Баравікова

Кот жыве без турбот: зборнік вершаў, казак і апавяданняў /укладальнік А. Зэкаў

Таямніцы дзеда Усяведа: апавяданні, загадкі, вершы, задачкі/ укладальнік А. Левіціна

Сонечны чараўнік: вершы, жарты, апавяданні / Васіль Вітка

Як завуць казу?: вершы і апавяданне / Іван Муравейка

Зіхаціць на небе сонца: вершы і казкі: пераклад з літоўскай/ Вітаўтас Бараўскас

Сакрэты колераў вясёлкі: апавяданні, казкі, вершы /Уладзімір Ліпскі