25 чэрвеня ў 18:00 запрашаем у Літаратурны музей Петруся Броўкі на адкрыццё выставы “Шаржы на Петруся Броўку”, прымеркаванай да 120-годдзя з дня нараджэння народнага паэта Беларусі.
Гэта чарговы супольны праект часопіса “Роднае слова”, ажыццёўлены ў межах аўтарскага цыкла “У анталогію беларускага шаржу”. На гэты раз упершыню ў музейнай прасторы будзе прадстаўлена “галерэя” сяброўскіх шаржаў на Петруся Броўку, які ніколі не заставаўся без увагі вядучых мастакоў. Жартоўныя партрэты пісьменніка стваралі як вядомыя, так і маладыя аўтары, а самыя раннія выявы датуюцца 1930-мі гг.
Уваход вольны.
Месца правядзення: Літаратурны музей Петруся Броўкі (г. Мінск, вул. К.Маркса, 30).
Кантактныя тэлефоны: (017) 342-09-81
