Увага: конкурс да юбілея «ВясёлкI»
- 19 ноября 2021 16:02:46
Цяпер часопiсы «Вясёлка» і «Буся» — частка вялікай сям’і выдавецтва «Адукацыя i выхаванне». А значыць, неўзабаве вас чакаюць новыя цікавыя конкурсы і праекты.
Але галоўнае застаецца нязменным: лепшыя творы беларускай літаратуры для дзяцей.
У наступным годзе «Вясёлка» адзначыць юбілей. Ужо амаль 65 гадоў яна радуе сваіх чытачоў, ідзе з імі рука аб руку і нага ў нагу.
Калісьці часопіс маглі чытаць бабулі і дзядулі нашых цяперашніх чытачоў, потым — бацькі, а зараз «Вясёлка» — сапраўдны сябар сучасных школьнікаў.
Можа быць, у кагосьці засталіся дома старыя нумары «Вясёлкi»?
Хтосьці гатовы падзяліцца сваёй гісторыяй, звязанай з часопісам?
Або вы прыдумалі верш ці апавяданне пра «Вясёлку»?
Калі хаця б на адно з пытанняў вы адказалі «так» — для вас наш новы конкурс!
- Запішыце сваю гісторыю або верш,
- сфатаграфуйце старыя нумары,
- зрабiце малюнак, звязаны з «Вясёлкай»,
і дашліце вашу працу ў рэдакцыю на э эл. пошту vyaselka2011@yandex.by або па адрасе: Мiнск, вул. Кальварыйская, 25.
Пожалуйста зарегистрируйтесь