Рэдакцыя “Беларускага гістарычнага часопіса” наведала Чэрвенскі раённы краязнаўчы музей

10 студзеня 2023 г. лістапада супрацоўнікі рэдакцыі “Беларускага гістарычнага часопіса” з рабочым візітам наведалі Чэрвенскі раённы краязнаўчы музей. Ён з’яўляецца вядучай навукова-даследчай і культурна-асветніцкай установай, якая ажыццяўляе камплектаванне, улік, захоўванне, вывучэнне і папулярызацыю помнікаў гісторыі і культуры

 Галоўны рэдактар Аляксандр Корзюк і рэдактар аддзела-член рэдкалегіі часопіса Ілля Касько пазнаёміліся са зместам экспазіцыйных залаў і часовымі выставамі, навукова-асветніцкім і экскурсійным патэнцыялам музея.

Пад час сустрэчы з дырэктарам установы Аленай Забаронак  супрацоўнікі  рэдакцыі абмеркавалі перспектыўныя накірункі супрацоўніцтва – падрыхтоўку тэматычных артыкулаў у рубрыкі “Музеязнаўства”, “Краязнаўства”, “Гісторыя аднаго шэдэўра” і магчымыя шляхі папулярызацыі часопіса сярод наведвальнікаў музея.