Кіраўнік дзяржавы прызначыў Міністра адукацыі Рэспублікі Беларусь

Сёння Прэзідэнт Беларусі Аляксандр Лукашэнка прызначыў Андрэя Іванца Міністрам адукацыі Рэспублікі Беларусь.

Новы кіраўнік ведамства — вучоны, доктар хімічных навук, член-карэспандэнт Нацыянальнай акадэміі навук Беларусі, прафесар.

У 2006 годзе скончыў Беларускі дзяржаўны ўніверсітэт. Сваю працоўную дзейнасць пачаў у Інстытуце агульнай і неарганічнай хіміі НАН Беларусі. У 2013 годзе стаў старшынёй Савета маладых вучоных НАН Беларусі.

З 2016 года — на пасадзе намесніка дырэктара па навуковай рабоце Інстытута агульнай і неарганічнай хіміі НАН Беларусі. У 2018 годзе Андрэй Іванец — прафесар Інстытута падрыхтоўкі навуковых кадраў НАН Беларусі, а з 2019 года — Галоўны вучоны сакратар НАН Беларусі.

На сустрэчы з журналістамі новы Міністр адукацыі падкрэсліў: «Мы разумеем, што развіццё навукі, тэхналогій, навацый непарыўна звязана з падрыхтоўкай кадраў. У сувязі з гэтым сістэма адукацыі павінна быць выбудавана для работы з адоранымі студэнтамі, якія вучацца для таго, каб мы падрыхтавалі кадры для нашай эканомікі. Гэта, з аднаго боку. З іншага — трэба разумець: сёння ад Міністэрства адукацыі патрабуецца істотная ўвага да пытанняў выхавання падрастаючага пакалення».

Міністр дадаў, што кожны грамадзянін павінен быць патрыётам сваёй краіны: «Мы павінны адпаведным чынам звярнуць увагу і на вучняў, і на студэнтаў, і на рэалізацыю праграмы патрыятычнага выхавання».

Крыніца: сайт Міністэрства адукацыі Рэспублікі Беларусь

Фота:
sb.by

 
Отзывы могут оставлять только зарегистрированные пользователи.
Пожалуйста зарегистрируйтесь