Часопіс "Выхаванне і дадатковая адукацыя" адзначае першы юбілей

Першы юбілей часопіса!

У студзені 2023 года сваё 10-годдзе адзначае навукова-метадычны часопіс “Выхаванне і дадатковая адукацыя”. Гэта выданне добра вядомае педагогам дадатковай адукацыі і ўсім спецыялістам, якія займаюцца арганізацыяй выхаваўчай работы ў школе.

За 10 гадоў існавання часопіса ў свет выйшла 120 яго нумароў. Пастаянныя чытачы ўжо добра ведаюць адметныя рысы “ВДА”: 

-публікацыя матэрыялаў у фармаце “тэматычны нумар”, які прадугледжвае падбор і навукова-метадычных, і практычных артыкулаў па актуальнай тэме; 

-арыентацыя на педагога-практыка; 

-выяўленне і папулярызацыя

-найлепшага педагагічнага вопыту; 

-адлюстраванне ў змесце часопіса і на яго каляровых укладках-постарах важных для педагагічнай грамадскасці дзяржаўных, культурных, адукацыйных дат і падзей; 

-акцэнт на інавацыях.

Тэматыка публікацый акрэслівае ўвесь спектр кірункаў работы педагогаў дадатковай адукацыі і класных кіраўнікоў, сярод якіх вылучаюцца найбольш важныя: станаўленне асобы вучня, фарміраванне вучнёўскага калектыву, работа з сям’ёй, арганізацыя вольнага часу і аздараўленчага адпачынку дзяцей, інавацыйная дзейнасць, павышэнне прафесійнага майстэрства педагогоў.

Вам патрэбныя распрацоўкі арыгінальных класных і інфармацыйных гадзін, святочных мерапрыемстваў? Не ведаеце, як разнастаіць дзейнасць дзяцей і падлеткаў у шосты школьны дзень і падчас канікул? Шукаеце цікавыя матэрыялы для правядзення бацькоўскага сходу? Неабходныя ідэі для матывацыі педкалектыву і арганізацыі яго эфектыўнай дзейнасці? Жадаеце пазнаёміцца з паспяховым вопытам калег? Цікавіцеся рэалізацыяй інавацыйных праектаў выхаваўчага кірунку? Тады часопіс “Выхаванне і дадатковая адукацыя” павінен стаць вашым настольным выданнем!

Падпісвайцеся, чытайце і дзяліцеся ўласным досведам з калегамі!

Часопіс распаўсюджваецца толькі па падпісцы. 

Падпісныя індэксы:

індывідуальны – 00515;

ведамасны – 005152.

Падпісацца таксама можна на нашым сайце