Анансаваны юбілейны студзеньскі нумар часопіса “Выхаванне і дадатковая адукацыя”

Студзеньскі нумар часопіса “Выхаванне і дадатковая адукацыя” адметны — юбілейны. 

Часопіс адзначае сваё 10-годдзе і прапануе чытачам актуальныя матэрыялы аўтарытэтных навукоўцаў, кіраўнікоў сістэмы дадатковай адукацыі — членаў рэдакцыйнай калегіі і рэдакцыйнага савета выдання. Аўтары разважаюць над пытаннямі фарміравання сацыяльнай кампетэнтнасці старшакласнікаў, прафілактыкі агрэсіі і парушэнняў паводзін у дзяцей, разглядаюць тэндэнцыі развіцця сістэмы дадатковай адукацыі ў сучасных умовах, выяўляюць механізмы паспяховага кіравання інавацыйным праектам. 

Да Году міру і стварэння прапануецца распрацоўка літаратурна-музычнай кампазіцыі і каляровы постар.