Творчыя сустрэчы ў Слуцку
- 21 мая 2021 17:39:00
20 мая выдавецтва «Адукацыя i выхаванне» было запрошана на творчыя сустрэчы з чытачамі ў цэнтралізаванай сістэме бібліятэк Слуцка. Мерапрыемства прымеркаваны да 110-годдзя дзіцячага пісьменніка, заснавальніка часопіса «Вясёлка» Васiля Вiткi. Гэты год адзначаўся шыкоўнымі сустрэчамі з дзецьмі ў бібліятэцы.
Паспяхова прайшлі прэзентацыі выдадзеных намi кніжак «Я тут жыву» i «Мая Беларусь» Уладзіміра Ліпскага, «Скарбы Нясвіжскага замку» Анастасіі Радзікевіч, «Живая боль войны» Ларысы Кучаравай.
Як паведамiла пiсьменнiца, член рэдакцыйнай калегіі часопіса «Вясёлка», намеснік дырэктара выдавецтва «Адукацыя і выхаванне» Анастасія Радзiкевiч, «штогод гэтыя мерапрыемствы праводзяцца ў розных фарматах. У тым і пазатым годзе яны былi ў анлайн фармаце, папярэднія — афлайн. Гэты год адзначаўся шыкоўнымі сустрэчамі з дзецьмі ў бібліятэцы.
Заўжды прыемна прыязджаць у Слуцк! Цудоўная арганізацыя мерапрыемстваў, творчых сустрэч, разумныя вочы дзетак, уважлівы падыход да аўдыторыі, падрыхтаваныя выставы з кнігамі і часопісамі нашага выдавецтва.
Асабліва дзякуем дырэктару цэнтралізаванай сістэмы бібліятэк раёна Людміле Васільеўне Гурыновіч за штогодовую працу, душэўны падыход і захаванне памяці і зацікаўленнасці да беларускай кнігі.
Сустрэчы заўжды праходзяць ў цёплай і ўтульнай атмасферы, ў святочным настроі. Калектыў бібліятэкі нястомна працуе з беларускай кнігай і лічыць, што гэта абярэг, у які ўкладаецца душа і праз чытанне якой выхоўваюцца душы і вялікіх, і малых чытычоў!»
Фота выдавецтва
Фота выдавецтва
Рекомендованные товары
Пожалуйста зарегистрируйтесь