«Кіначвэрць» з «Вясёлкай» і Уладзімірам Ліпскім у кінатэатры «Цэнтральны»

Сёння часопіс «Вясёлка» і Уладзімір Ліпскі сустрэліся са школьнікамі ў рамках праекта «Кіначвэрць», прымеркаванага да Года гістарычнай памяці, у кінатэатры «Цэнтральны.

 

Было вельмі мнагалюдна, дзеці прыйшлі цэлымі класамі. Адна з жанчын, калі даведалася, што адбудзецца такая сустрэча, спецыяльна прывяла свайго сына паслухаць мэтра.

Уладзімір Сцяпанавіч распавёў пра часопіс «Вясёлка», яго багатую і захапляльную гісторыю, прадэманстраваў адну з кніг серыі «Бібліятэка часопіса “Вясёлка”» — збор шчымлівых успамінаў дзяцей вайны «Я помню ўсё...». З яго расповеду школьнікі таксама даведаліся пра героя Вялікай Айчыннай Зінаіду Тусналобаву-Марчанку — ураджэнку Беларусі, Героя Савецкага Саюза, медыка, якая за 8 месяцаў вынесла з поля бою 123 параненых.

 
Метки: Вясёлка
Отзывы могут оставлять только зарегистрированные пользователи.
Пожалуйста зарегистрируйтесь