Такім месцам можа стаць ваша малая радзіма ці нейкае невялікае мястэчка, якое вы сустрэлі ў вандроўцы, вясковая цэркаўка ці касцёл. Або старадаўні дом, які ўтульна стаіць на вузкай вулачцы, што цудам ацалела пад час шматлікіх войнаў.

Галоўная ж задача кнігі — натхніць і юных, і дарослых чытачоў падарожнічаць па Беларусі, абудзіць пачуццё гонару за сваю малую радзіму, жаданне пабываць у яе вядомых і малавядомых кутках, накарміцца ​​прыгажосцю і дакрануцца да культурных вытокаў душы беларуса.

Тэкставы і ілюстрацыйны матэрыял выдання суадносіцца са зместам вучэбных прадметаў «Мастацтва (айчынная і сусветная мастацкая культура)», «Гісторыя Беларусі» і дазваляе пашырыць і паглыбіць веды вучняў.

А сучасная тэхналогія дапоўненай рэальнасці, уключаная ў кнігу ў выглядзе відэаролікаў, адкрые новыя ракурсы ўспрымання славутасцяў (напрыклад з вышыні птушынага палёту), яшчэ лепш пазнаёміць чытачоў з яркімі асаблівасцямі нашай айчыннай спадчыны.